Innanlands

Hugaligt tá eisini smáur upsi er at fáa

Tað hava vit nærum ikki sæð síðsta árið, siga tveir skiparar

2018-12-05 17:22 Author image
Føroyska Sjómansmissiónin

- Síðsta hálið var væl av smáum upsa uppi í, og tað hava vit nærum ikki sæð síðsta árið. 

- Tað halda vit, er dámligt, siga skipararnir á Baki og Stelki, Jákup Pauli og Jóhan Eli.

Samtrolararnir komu á Runavík í morgun við knapt 500 kørum, sum er umleið 300.000 pund.

Meginparturin er stórur upsi, men so er nakað av toski, longu og øðrum fiski eisini.

[object Object]Mynd: Føroyska Sjómansmissiónin

Teir hava roynt vestanfyri Suðuroynna.

- Nú verður tað óivað bara ein túrur afturat, so verður jólaferia. Tí er tað gott at fáa jólapakkarnar nú.

- Vit takka kvinnunum, tí tað er óivað mest kvinnur, sum gera pakkarnar, tí teir veruliga fløva sjófólkið, siga báðir skipararnir brosandi.