Innanlands

Jákup Sverri ger makrelkanningar

Seinastu tvær vikurnar hevur havrannsóknarskipið Jákup Sverri luttikið í altjóða makrelkanningum saman við íslendingum, norðmonnum og dønum

(Mynd: Hav.fo)

(Mynd: Hav.fo)

2022-07-13 19:30 Author image
Alda Nielsdóttir
placeholder

Seinastu tvær vikurnar hevur havrannsóknarskipið Jákup Sverri luttikið í altjóða makrelkanningum saman við íslendingum, norðmonnum og dønum.

Havstovan skrivar, at hóast kanningarnar hava verið nakað darvaðar av veðri, hevur Jákup Sverri higartil tikið 19 støðir.

Á hvørji støð verður trolað eftir makreli og sild, umframt at æti- og umhvørviskanningar eisini verða gjørdar. Makrelveiðan í hvørjum háli hjá Jákup Sverra hevur ligið millum 2 kg og 20 tons, meðan lítið hevur verið fingið av sild.

Kanningarnar eru í tíðarskeiðinum 30. juni -7. august, og í løtuni eru Árni Fríðriksson úr Íslandi, Vendla og Eros úr Noregi og Ceton úr Danmark úti saman við teimum. Øll skipini brúka sama slag av multpelt-troli, sum er ment til makrelkanningar.

Trolúrslitini frá norsku skipunum síggjast her.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder