Innanlands

Jákup Sverri gjørdi brislingakanningar á fyrsta túrinum

Nýggja havrannsóknarskipið var á Skálafjørðinum og í Tangafirði í farnu viku. Har tað var djúpast, var mest brislingur var at síggja. Tað var nakað meira av brislingi við Skálafjørðin enn í Tangafirði

Jákup Sverri gjørdi sín fyrsta túr í farnu viku (Mynd: Jens Kr. Vang)

Jákup Sverri gjørdi sín fyrsta túr í farnu viku (Mynd: Jens Kr. Vang)

2020-12-16 11:48 Author image
Agnar Prestá
placeholder

Á fyrsta túrinum hjá nýggja havrannsóknarskipinum Jákup Sverra 9. - 11. desember var endamálið at kanna brisling í Tangafirði og á Skálafjørðinum.

Heimasíðan hjá Havstovuni skrivar, at mest brislingur var at síggja í djúpasta partinum av Skálafjørðinum, ið er frá frá Saltnesgrynnuni inn til Skipanes.

Í Tangafirði var eisini mest at síggja, har tað var djúpast, tó við einum undantaki út fyri Morskranes, har ein torva stóð á heilt grunnum vatni. Tað var heldur minni av brislingi í Tangafirði sammett við Skálafjørðin.

[object Object]Mynd: hav.fo

Brislingurin stóð í smáum torvum nær botni um dagin og lyfti seg frá botni í skýmingini og loystist heilt upp í nærum allari vatnsúluni um náttina. Brislingurin var smáfallandi, miðallongdin var 7,1 cm, og mett verður at tað mesta er frá ársins gýting.

Hetta er triðja árið, at Havstovan ger kanningar av brislingi á føroysku firðunum, skrivar hav.fo.

Túrfrágreiðingin kann lesast her


placeholder
placeholder