Jupiter hevur landað svartkjaft í Norra

Uppsjóvarskipið Jupiter hevur landað eina svartkjaftalast í Vedde í Norra.

Upplýst verður, at teir hava fiskað svartkjaft í føroyskum sjógvi, og at veiðan varð landað í norska býnum Vedde, har Jupiter hevur landað nakrar lastir í ár.

Talan er um eina last á góð 2000 tons av svartkjafti, og tá ið teir høvdu landað, fóru teir aftur á svartkjaftaveiðu í føroyskum sjógvi.

Loyvið at landa svartkjaft uttanlands er ikki galdandi longur, og tí skal restin av svartkjaftinum, sum verður fiskaður landast í Føroyum.

Skipini fingu møguleikan at landa uttanlands í tíðarskeiðnum 27. apríl til 14 juni, sum var í gjár. Hetta hendi eftir at stórt trýst var á Fiskimálaráðnum, av tí at tað var so long bíðitíð at sleppa at landa svartkjaftin í Føroyum.

Sambært yvirlitinum hjá Vørn, so eru umleið 40.000 tons av svartkjafti landað uttanlands.

Skipini hava landað svartkjaft í Íslandi, Danmark, Norra, Írlandi og í Hollandi.