Innanlands

Lakasti mars mánaður higartil

Fiskiskapurin var vánaligur í mars – við 22.883 tonsum komu minni enn helmingurin av miðal hesi seinastu átta árini upp á land

(Savnsmynd: Føroyska Sjómansmissiónin)

(Savnsmynd: Føroyska Sjómansmissiónin)

2022-04-28 12:18 Author image
Ingi Samuelsen
placeholder

Mars mánaður var ein vánaligur mánaður til fiskiskap. Hagstovan hevur í dag kunngjørt nýggjastu veiðitølini, og tey vísa, at tað komu 22.883 tons upp á land til eitt virði á 175,2 milliónir krónur.

Hetta er óvanliga lítið fyri ein mars mánað, um sammett verður við tey átta árini frammanundan, sum uppgerðin hjá Hagstovuni vísir.

Vanliga eru tað summarmánaðirnir, sum eru teir lakastu, hvat avreiðingum viðvíkir, og úrslitið fyri mars í ár er á hædd við hesar mánaðirnar í átta ára skeiðinum frammanundan.

Frá 2015 til og við í ár hevur eru tað í miðal komin góð 52.000 tons av fiski upp á land í mars mánaði. Men mars í ár nær ikki eingang upp á helmingin av miðaltalinum.

Besti mars mánaður síðan 2015 var í 2018, tá 77.350 tons komu upp á land. 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder