Innanlands

Ligið í 93 dagar: Fara aftur til fiskiskap í nátt

Tað eru 93 dagar síðan Norðborg fekk trupulleikar við motorinum, og mátti leggjast til umvælingin varð liðug

Norðborg í Nólsoyarfiði í kvøld (Mynd: Kiran Jóanesarson)

Norðborg í Nólsoyarfiði í kvøld (Mynd: Kiran Jóanesarson)

2020-09-23 20:53 Author image
Kiran Jóanesarson
placeholder

Framleiðsluskipið Norðborg hevur í allan dag siglt aftur og fram, og royndarkoyrt nýggja motorin.

- Arbeiðið hevur gingið væl, og vit eru nú lidnir, sigur ein sera glaður Jón Rasmussen, sum er ein av eigarunum, og annar av skiparunum umborð á Norðborg.

Tað eru skipasmiðjurnar Mest og KSS, sum hava tikið sær av arbeiðinum, og tað hevur gingið ótrúliga væl, sigur Jón Rasmussen.

[object Object]Mynd: Sverri Egholm

Jón Rasmussen sigur, at teir nú eru lidnir við royndartúrin, og á middnátt verður mynstrað umborð, og síðani verður farið til Fuglafjørð at bunkra, og síðani til fiskiskap í nátt.

- Tað hava sjálvandi verið nøkur smáting, men motorurin sjálvur hevur riggað ótrúliga væl, og nú fara vit at rigga til at fara aftur til fiskiskap, sigur Jón Rasmussen.

- Vit eru glaðir fyri, at tað hevur gingið so gott við arbeiðnum, og vit hava nú eisini lært, at man kann gera eitt slíkt arbeiðið í Føroyum, sum hevur gjørt tað ótrúliga nógv lættari. Her eiga Mest og KSS rós uppiborið, sigur Jón Rasmussen, sum er sera takksamur fyri samstarvið og tænastuna við báðar skipasmiðjurnar.

[object Object]Mynd: Sverri Egholm

Blokkurin er innfluttur og síðani er allur motorurin samlaður umborð á Norðborg.

- Vit fara nú á sildaveiðu undir Íslandi. Fiskiskapurin hevur verið smáligur seinastu tíðina, men nú byrjað skipini at fáa sild aftur, sigur Jón Rasmussen, sum er sera spentur at sleppa í gongd við fiskiskapin aftur.

Sildin verður skorin til flak umborð á Norðborg. Við Norðborg vera 28 mans. 

Les eisini: Norðborg í royndarsigling

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder