Lív var úti hjá tveimum trolarum í gjár

Í gjárkvøldið var Rescue Lív úti hjá tveimum trolarum við fólki, sum skuldi umborð, og eftir einum, sum skuldi í land.

Trolararnir lógu slakar 30 fjórðingar eystan fyri Suðuroynna, einar 50 fjórðingar úr Havnini, og tað tók neyvt tríggjar tímar at sigla út til teir, skrivar Rescue Lív á Facebook.

–Veðrið var hampiligt, og tað gekk upp á stás at fáa menninar umborð á skipini á opnum havi og við nakað av aldu í sjónum. Rescue Lív var aftur á Havnini klokkan 23.25 í gjárkvøldið.