Mærsk metstórt avlop

A.P Møller Mærsk A/S hevði eitt avlop eftir skatt upp á 117 milliardir krónur í 2021. Tað vísir ársroknskapurin, sum felagið hevur lagt fram.

Tað er ein framgongd upp á 500 prosentum í mun til í 2020 og er met gott úrslit.

Mikkel Emil Jensen, greinari hjá Sydbank, sigur við Finans, at hetta ikki er bara besta úrslit hjá Mærsk, men eisini í donskum vinnulívi.

Umsetningurin hjá Mærsk var í 2021 400 milliardir krónur.

Góða roknskaparurslitið kemur eftir eitt ár, har fraktprísirnir hava verið høgir í sambandi við teir fløskuhálsar, sum eru íkomnir av koronufarsóttini.