Innanlands

Manglandi tilsøgn orsøk til at Rankin ikki varð seldur

Trolarin Rankin hevur ligið seinastu tvey árini, tí rakstur og grundarlag er ikki fyri fiskiskapinum

(Savnsmynd: Skipalistin)

(Savnsmynd: Skipalistin)

2020-12-17 07:09 Author image
Kiran Jóanesarson
placeholder

Reiðaríið Varðin fekk ikki skrivliga tilsøgn um, at rættindini kundu varðveitast, og tí varð Rankin ikki seldur. Rankin er bygdur á Skála skiðasmiðju í 1981.

- Rankin liggur nú í Gøtu, og skipið hevur ligið seinastu tvey árini, av tí at rakstur og grundarlag ikki eru fyri skipinum, sigur Dávid Jacobsen, tekniskur leiðari hjá Varðanum.

Rankin er í klassa, og skipið er í fínum standi, men tað er ringt at fáa fólk, av tí at fiskiskapurin er so vánaligur.

- Vit høvdu eitt boð uppá skipið, og ætlanir vóru at selja, tí boðið var so mikið gott, men vit fingu onga skrivliga tilsøgn um, at vit kundu varðveita rættindini, men bara munnliga, og tað er als ikki nóg gott, tá ið talan er um slík rættindir til eitt skip, sigur Dávid Jacobsen, sum er harmur um, at skipið tí ikki bleiv selt.

- Tað var eitt felag í Russlandi, sum bjóðaði uppá Rankan, og vit høvdu selt, um vit fingu eina skrivliga tilsøgn um at rættindini fylgdu felagnum, men tað hendi ikki hóast vit fingu at vita, at vit bara skuldu selja, tí rættindi fóru vit at varðveita.

- Vit eru ikki teir einastu, sum hava verið úti fyri hesum, sigur Dávid Jacobsen, sum vísir á, at nakrir trolarar liggja svínabundnir við bryggju ymsastanðis kring landið júst av somu orsøk.

 

placeholder
placeholder