Agnar Prestá
ICES-tilmælini fyri uppsjóvarfisk fyri næsta á, 2027, eru nú komin.
Hesi hevur Havstova Føroya kunngjørt á heimasíðu síðani. Greitt er, at mest loyvda veiða í 2027 hækkar fyri allar tríggjar stovnarnar.
Niðanfyri sæst yvirlit.
Makrelur
Tilmælið fyri makrel er 352.938 tons fyri 2027, sum er ein hækking á heili 102% í mun til í ár.
Stóra økingin í tilmælinum kemst av at gýtingarstovnurin nú aftur er komin upp um Blim markvirðið. Sostatt eru ógvusligu átøkini, sum í fjør vóru sett í verk fyri at verja stovnin, ikki longur neyðug.
Svartkjaftur
Tilmælið fyri svartkjaft er 1,064 mió. tons fyri 2027, sum er ein hækking á 25% í mun til 2026.
Hækkingin kemst av góðari tilgongd frá 2024-árganginum, sum nú er vorðin partur av gýtingarstovninum.
Norðhavssild
Tilmælið fyri norðhavssild er 588 túsund tons fyri 2027, sum er ein hækking á 10% í mun til í ár.
Talvan niðanfyri vísir ICES tilmælini um mest loyvdu veiðu fyri makrel, svartkjaft og norðhavssild í 2026-2027 og broytingarnar millum hesi bæði árini.
Vinarliga broyt tínar kennifíla - og privatlívsstillingar fyri at síggja hetta innihald