Ingi Samuelsen
Nógv er til av svartkjafti í føroyskum øki í ár – á leið sama støði, sum í fjør. Hetta vísa ekkókanningar av svartkjafti, sum Jákup Sverri gjørdi sunnan fyri Føroyar og suður í bretskan og írskan sjógv fyri páskir.
Havstovan skrivar, at talan serliga er um 2020 árgangin, men eisini 2021 og 2019 árgangirnar. Meginparturin av fiskinum hevði gýtt. Miðallongdin var 25 sentimetrar og miðalvektin 91 gramm í kannaða økinum.
Kanningin er skipað sum altjóða felags kanning undir ICES, har Føroyar luttaka saman við Noregi, Írlandi, Niðurlondum og Spania. Endaligu úrslitini frá felags kanningunum verða tøkar, tá tølini frá øllum luttakandi skipunum verða viðgjørd seinni í apríl.
Fyribilsúrslitini frá hinum rannsóknarskipunum, sum kannaðu økini longur suðuri, vístu, at gýtandi svartkjaftur var at síggja á leiðunum norður av Porcupine bankanum og fram við írsku og skotsku hellingini.
Frágreiðingin av ekkókanningunum kann lesast her.
Vinarliga broyt tínar kennifíla - og privatlívsstillingar fyri at síggja hetta innihald