Norðingur kom á Kollafjørð í nátt

Uppsjóvarskipið Norðingur kom á Kollafjørð í nátt, har teir skulu landa.

Teir hava verið á sildaveiðu undir Íslandi, og hava fiskað umleið 1400 tons av sild, sum teir skulu landa til Faroe Pelagic í Kollafirði.

Teir sluppu framat so skjótt teir komu inn, og tá ið liðugt er at landa, fara teir helst aftur á sildaveiðu undir Íslandi.

Seinastu tvær vikurnar hava skipini havt fiskaloysi, bæði í makrelfiskiskapinum og sildafiskiskapinum, men nú er gongdin vend tá ið tosað verður um sildafiskiskapin.