Norðingur landar svartkjaft í Fuglafirði

Uppsjóvarskipið Norðingur mátii bíða eftir landingartørni tá ið teir komu á Fuglafjørð.

Norðingur hevur verið á svartkjaftaveiðu í ES sjógvi, og fiskiskapurin hevur verið góður.

Upplýst verður, at teir hava umleið 1900 tons av svartkjafti, sum verður framleiddur til fiskamjøl og lýsi, og síðan til fóður.

Flestu svartkjaftaskipini fara nú at bíða til svartkjafturin kemur í føroyskan sjógv um hálvan apríl.