Norðingur landar umleið 2000 tons í Fuglafriði

Uppsjóvarskipið Norðingur kom í gjár á Fuglafjørð, har teir skulu landa.

Norðingur hevur verið á svartkjaftaveiðu í ES sjógvi, og fiskiskapurin hevur verið hampuligur.

Upplýst verður, at teir hava 1950 tons av svartkjafti, sum teir landa til Havsbrún, har svartkjafturin verður framleiddur til fóður.

Norðingur byrjaði at landa til Havsbrún í nátt aftaná at Tróndur í Gøtu hevði landað eina svartkjaftalast.