Kiran Jóanesarson
Tað var ein stór løta tá ið stásuliga uppsjóvarskipið Katrin Jóhanna stevndi á Miðvág fyri fyrstuferð fyrr í hesum mánaðinum.
Katrin Jóhanna, sum hevur ligið á Miðvági síðan skipið kom til Føroyar tann 11.december fer nú at rigga til at fara á svartkjaftaveiðu.
Loyvini eru nú komin uppá pláss, og nú verður riggað til at fara til fiskiskap eftir svartkjafti í føroyskum sjógvi.
Katrin Jóhanna skal fiska menningarkvotu, sum Snarfrost í Miðvági hevur fingið tillutað.
Talan er um eitt skip, sum er bygt í 1997, men hóast aldurin, er skipið í góðum standi.
Køliútgerðin er nýggj, og skipið hevur fiskað við nót meginpartin av tíðini skipið hevur verið í vinnu, og slíkur fiskiskapur slítur skipið ikki eins nógv, sum tá ið fiskað verður við troli.
Katrin Jóahnna er systurskip til Christian í Grótinum, sum Rasmussen familjan í Klaksvík lat byggja í 1998. Skipið kallast í dag Don Alfonso, og hevur heimstað í Kili.
Vinarliga broyt tínar kennifíla - og privatlívsstillingar fyri at síggja hetta innihald