Innanlands

Polar Amaroq og Christian í Grótinum hava landað í Fuglafirði

Grønlendska uppsjóvarskipið hevur landað svartkjaft, og Christian í Grótinum hevur landað makrel

Savnsmynd (Mynd: Sverri Egholm)

Savnsmynd (Mynd: Sverri Egholm)

2018-11-28 17:56 Author image
Kiran Jóanesarson
placeholder

Uppsjóvarskipið Polar Amaroq landaði í gjár 700 tons av svartkjafti til Havsbrún.

Talan hevur verið um góðan fiskiskap, og veiðan verður framleidd til fóður.

Tá ið Polar Amaroq hevði landað, fóru teir aftur til fiskiskap eftir svartkjafti í føroyskum sjógvi.

Christian í Grótinum, sum er systurskip til Polar Amaroq, landaði eisini í Fuglafirði í gjár.

Christian í Grótinum hevur verið á makrelveiðu, og upplýst verður, at teir høvdu 700 tons av góðum makreli, sum teir landaðu til Pelagos í Fuglafirði.

Tá ið teir vóru lidnir at landa fóru teir aftur á makrelveiðu í føroyskum sjógvi. 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder