Uttanlands

Royal Greenland selt tveir trolarar

Talan er um ein flakatrolara og ein rækjutrolara, sum nú skulu avloysast av nýggjum skipum

Savnsmynd (Mynd: Sverri Egholm)

Savnsmynd (Mynd: Sverri Egholm)

2019-04-13 14:03 Author image
Kiran Jóanesarson

Grønlendska reiðaríið Royal Greenland, hevur selt tvey av skipunum í flotanum.

Talan er um flakatrolaran Sisimiut, sum er seldur til Íslands og rækjutrolaran Qaqqatsiaq, sum er seldur til eitt av teimum baltisku londunum.

Ætlanin er, at Sisimiut skal latast nýggju eigarunum í juni, og Qaqqatsiaq skal latast eigarunum tann fyrsta mai í ár.

Talan er um eina útskifting við nýggjari og meira effektiv skip, sum grønlendsk reiðarí eru farin at gera, og sum tey eisini gjørdi fyrst í hesari øldini.

Nýggju skipini hjá grønlendingum verða bygd í Turkalandi og í Spania.

Seinasta dømi er grønlendski rækjutrolarin Markus, sum var á Havnini fyri nøkrum vikum síðan, har teir skuldu taka útgerð frá Vónini áðrenn teir vóru víðari til Grønkands.

Nýggi Sisimiut skal latast Royal Greenland fyrst í mai, og Avataq, sum verður navnið á avloysara skipinum hjá Qaqqatsiaq, verður latið reiðarínum í november.

Prísurin á nýbygningunum liggum um 300 milliónir krónur hvør.