Russland umhugsar at seta bann fyri føroyskum fiskavørum

Russiska fiskivinnuumsitingin, Rosrybolovstvo, mælir nú russisku stjórnini til at støðga innflutninginum av fiskavørum úr Føroyum.

Tað skriva russiskir miðlar í dag.

Rosrybolovstvo skal hava lagt eitt uppskot fyri stjórnina um at banna innflutningi av føroyskum fiski aftur fyri føroyska havnastongsulin, ið varð settur í verk í summar.

Víst verður á, at eitt bann fyri innflutningi av føroyskum fiskavørum ikki fær stórvegis ávirkan á landsins matvørutrygd, tí russisk fiskifør og fiskavirkir sjálv eru før fyri at fáa tilsvarandi mongdir av fiski til vega.

Sambært Rosrybolovstvo er innflutningurin av frystum viskavørum úr Føroyum minkaður við yvir 50 prosentum hesi seinastu árini, úr 144.100 tonsum í 2018 til 71.500 tons í 2022.