Ruth kom til Noregs í gjár við makreli

Danska uppsjóvarskipið Ruth kom í gjár til Egersund í Noreg, har teir skulu landa.

Ruth hevur fiskað makrel í ES sjógvi, og fiskiskapurin hevur verið góður.

Upplýst verður, at støddin liggur um 400 gramm í miðal.

Tá ið Ruth hevur landað, fara teir aftur á makrelveiðu.

Danska uppsjóvarskipið Beinur úr Hirtshals, er eisini farin aftur til fiskiskap, men óvist var um teir fóru á sildaveiðu ella at fiska makrel.

Skipari umborð á Ruth er Hans Jacob Petersen, og skipari umborð á Beinur er Gunnar Nolsøe.