Innanlands

Smyril Line ætlanir um tvey nýggj farmaskip

Tey bæði nýggju skipini eru ikki bíløgd enn, men Jens Meinhard Rasmussen heldur, at 2025 er eitt gott boð til nær fyrsta skipið kemur

(Mynd: Sverri Egholm)

(Mynd: Sverri Egholm)

2022-06-21 14:12 Author image
Sverri Egholm
placeholder

Smyril Line fyrireikar seg til at endurnýggja flotan hjá sær. Hetta fyri at økja um nøgdina á rutunetinum, men eisini fyri at minka um co2 útlátið.

Tað sigur Jens Meinhard Rasmussen við danska miðilin Søfart. Hann er tíðindafróður í hesum døgum, og hevur eisini váttað, at Smyril Line fer at byggja nýtt høvuðssæti á Molanum. Eitt høvuðssæti, sum fevnir um ferðafólkaterminal, pakkhús og skrivstovu, og sum skal vera liðugt í 2024.

- 2025 sær út til at vera eitt gott boð uppá avhending av fyrsta skipinum. Men tað er umráðandi at siga, at vit enn ikki hava endaliga bílagt nakað skip enn, sigur Jens Meinhard Rasmussen.

- Sum øll vita, er tað inflatión og rávøruprísirnir hkka, so tað er trupult at taka so stóra og týdningamiklar avgerðir. Hetta kann hava ávirkan á, nær vit bíleggja skipini.

Smyril Line rekur í dag umframt Norrønu fimm sonevnd ro/ro skip. Eitt av teimum er leigað.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder