Stelkur tikin úr vinnu næstu vikurnar

Trolarin Stelkur, sum Varðin eigur, hevur seinastu dagarnar ligið einsamallur á Runavík, sum er heldur óvanligt.

Vanliga partrola Stelkur og Bakur undir Føroyum, men av tí at Stelkur hevur fingið skaða á tvey av bløðunum á skrúvuni, kann skipið ikki vera í vinnu, og tí verður Rankin brúktur til at partrola saman við Baki.

Bløðini skulu framleiðast, og tí verður Stelkur liggjandi í umleið 10 vikur tilsamans.