Alda Nielsdóttir
Heimsins størsta fiskavørumessa, Seafood Expo Global varð í døgunum 26. til 28. apríl hildin í Barcelona.
Seinastu tvey árini hevur ráðstevnan verið avlýst orsakað av koronu, men í ár varð hon so hildin. Upprunaliga skuldi hon vera í belgiska høvuðsstaðnum Brússel, men av tí at messan varð vorðin ov stór til umstøðurnar har, varð hon flutt til spanska býin.
Føroyski landabásurin var í ár víðkaður til 308 fermetrar, sum er tað størsta hann nakrantíð hevur verið. Landabásurin var plaseraður í fyrstu høllini aftaná høvuðsinngongdina, og hevði fingið nýtt snið, sum Sansir hevði sniðgivið.
Føroyskur landabásur hevur verið á Seafood Expo Global, síðani hon byrjaði fyrst í 90unum, tá hon byrjaði sum ein lítil messa í Brússel. Fyrstu tíðina samskipaði Menningarstovan føroysku messuluttøkuna, men seinni árini hevur Vinnuhúsið samskipað føroyska landabásin.
Fleiri myndir frá messuni síggjast á heimasíðuni hjá Vinnuhúsinum.
Vinarliga broyt tínar kennifíla - og privatlívsstillingar fyri at síggja hetta innihald