Svartkjaftur landast á Tvøroyri og í Fuglafirði

Uppsjóvarskipið Gøtunes kom um 20 tíðina í kvøld á Tvøroyri, har teir skulu landa.

Teir hava verið á svartkjaftaveiðu sunnanfyri Føroyar, og hava 1100 tons av svartkjafti við til lands, sum teir landa til Varðan Pelagic, har svartkjafturin verður framleiddur til matna.

Í Fuglafirði skal Christian úr Klaksvík landa 2200 tons av svartkjafti til Havsbrún, har svartkjafturin fer til ídnað.

Eins og Gøtunes, so hevur Christian fiskað svartkjaft sunnanfyri í føroyskum sjógvi.

Svartkjaftafiskiskapurin er hampiligur í løtuni verður sagt.

Christian (Savnsmynd: Kiran Jóanesarson)