Tá føroyingar keyptu størsta trolara í vesturheiminum

Fjórða bókin í røðini “Teir tóku kjansin” er komin í bókahandlarnar. Tað er Birgir Waag Høgnesen sum gevur út.

Í 1983 keyptu føroyingar ein italskan risatrolara til svartkjaftaveiðu, og í bókini verður greitt frá, at politikkur spældi ein leiklut, tá ið avgjørt varð, hvør skuldi hava skipið. Tvey reiðarí royndu seg, men hvørki av reiðaríunum megn­aði at fáa raksturin at standa upp og nið­ur. 

Vit lesa um trupul­leikarnar í sam­bandi við fiski­skap­­in, fiskavirk­ing­ina umborð og søl­una av fiskinum. Greitt verður frá lív­in­um umborð, og nógvar samrøð­ur eru í bókini, m.a. við fleiri av mongu gentun­um, sum vóru við skipin­um, til tað varð selt av landinum – bert fimm ár eftir, at tað kom í føroyska flotan.