Taka ímóti nýggja Vesturbúgvanum í dag

Hátíðardagur í Vestmanna í dag. Nýggi Vesturbúgvin kemur á Vestmanna, og klokkan 18 verður skipað fyri móttøku á keiini.

Tað er partafelagið Vesturbúgvin, sum hevur keypt skipið, og tað fer til fiskiskap í næstum.

Gamli Vesturbúgvin hevur fingið navnið Norðfinnur, og hevur ikki verið í vinnu síðan partrolarin Eysturbúgvin sakk í 2022.

Nýggja skipið hjá vestmenningum er bygt í 2011, og er 43 metrar langt og 12 metrar breitt. Skipið hevur ein 2.000hk Yanmar motor, og er 906 bruttotons til støddar. 

Prísurin fyri nýggja Vesturbúgvan er góðar 55 milliónir krónur.