2024-02-07 18:44 
Sverri Egholm
Sverri Egholm
Bjargingartyrlan hjá Atlantsflogi, flogfar hjá donsku sjóverjuni og Brimil hava leitað eftir teimum báðum saknaðu monnunum av Kambi í dag til tað bleiv myrkt, men hava enn ikki funnið nakað av týdningi.
Í morgin kemur Tjaldrið at luttaka í leitingini og fer at leita saman við Brimli, upplýsti MRCC fyri útvarpinum í kvøld.
Brimil heldur fram við leitingini í kvøld og í morgin.
Nótaskipini sum eru í økinum halda eisini eygað við, um nakað óvanligt er at síggja.
16 menn vóru á Kambi tá frystilínuskipið gjármorgunin fekk ein sjógv og seinni sakk. Skipið sakk 17 fjórðingar ein útsynning úr Akrabergi. 14 av manningini vórðu bjargaðir til lands við tyrluni, men tveir menn - ein 47 ára gamal og ein 57 ára gamal - eru ikki komnir afturíaftur.
Vinarliga broyt tínar kennifíla - og privatlívsstillingar fyri at síggja hetta innihald