Tróndur í Gøtu landað 1.500 tons av makreli á Tvøroyri

Uppsjóvarskipið Tróndur í Gøtu kom á Tvøroyri fríggjadagin, har teir skuldu landa.

Tróndur í Gøtu hevur verið á makrelveiðu í ES sjógvi, og fiskiskapurin hevur verið góður.

Upplýst verður, at teir høvdu 1.500 tons av góðum makreli við til lands, men fyrst landaðu Jupiter og Finnur Fríði, áðrenn Tróndur í Gøtu slapp framat.

Tá ið liðugt var at landa fóru teir aftur til fiskiskap.