Trý skip hava landað svartkjaft í Norra

Seinastu dagarnar hava fleiri uppsjóvarskip landað svartkjaft í Norra, sum er fiskaður í føroyskum sjógvi.

Arctic Voyager fór um vikuskiftið yvir til Karmsund at landa 1.900 tons av svartkjafti. Tá ið Arctic Voyager hevði landað, fóru teir aftur á svartkjaftaveiðu í føroyskum sjógvi.

Ango hevur júst landað 1.500 tons í Måløy, sum eisini er fiskaður í føroyskum sjógvi. Ango hevur eisini havt góðan fiskiskap, og kom aftur á svartkjaftafelti í føroyskum sjógvi í gjár.

Birita, sum eisini er eitt av fáu uppsjóvarskipunum, sum hevur fiskað fiskað svartkjaft seinastu dagarnar, hevur júst landað 1.900 tons av svartkjafti í Ålesund. Um teir fara aftur á svartkjaftaveiðu vita vit ikki.