Tvey fakfeløg ársaðalfund í dag

Tvey fakfeløg hjá sjómonnum hava ársaðalfund í dag. 

Ársaðalfundurin hjá Føroya Skipara -& Navigatørfelag verður á Hotel Hilton Garden Inn klokkan hálvgun tríggju, meðan tann hjá Føroya Fiskimannafelag verður í hølunum hjá Føroya Arbeiðarafelag á Tjarnardeild klokkan 10.

Tá freistin at stilla formann upp í Fiskimannafelagnum var farin, vóru tvey valevni. Tey eru Mortan G. Berjastein og Jan Højgaard. Síðstnevndi hevur verið formaður síðani 2007.