Varðin keypir meirilutan í Høvdavirkinum

Faroe Marine Products hevur gjørt stórar íløgur, og hevði nú tørv á nýggjum kapitali. Tí hevur Varðin samtakið í Gøtu sett 10 milliónir krónur í felagið.

Tað hevur við sær, at Varðin nú eigur 86 prosent av felagnum, og Eirikur á Húsamørk 14 prosent. Áður átti Varðin 50 prosent í Faroe Marine Products, men hevur nú keypt 36 prosent afturat.

(Mynd: Varðin)

Eirikur á Húsamørk hevur verið stjóri, men hann gevst nú, og fer í nevndina í staðin. Nýggjur stjóri í felagnum er Jákup Eli Thomsen, sum áður hevur verið rakstrarleiðari hjá Faroe Origin.

Niels Winther Poulsen og Hallgerð á Húsamørk eru farin úr nevndini.

Nevndin er mannað við Bergi Poulsen sum nevndarformanni, Eiriki á Húsamørk, Dávid Jacobsen og Boga Jacobsen.