Vestmenningur skal landa í Vestmanna og í Fuglafirði

Uppsjóvarskipið Vestmenningur úr Vestmanna hevur fiskað umleið 1900 tons av makreli hendan túrin.

Vestmenningur hevur verið á makrelveiðu norðanfyri í altjóða sjógvi, og fiskiskapurin hevur verið góður.

Veiðan skal landast til Vestmanna Seafood fyrst, og síðan Havsbrún í Fuglafirði, og síðani fer skipið aftur til fiskiskap.