Arctic Voyager landað svartkjaft í Killybegs

Uppsjóvarskipið Arctic Voyager kom fríggjadagin til Írlands, har teir skuldu landa.

Teir hava verið á svartkjaftaveiðu sunnanfyri í føroyskum sjógvi, og fiskiskapurin hevur verið hampiligur.

Teir landaðu 1900 tons av svartkjafti í írska býnum Killybegs, og loystu aftur í morgun, við kós móti svartkjaftafeltinum aftur.

Myndina eigur John Cunningham, sum tók myndina tá ið Arctic Voyager kom til Killybegs fríggjamorgunin.