Borgarin skal landa í Fuglafirði

Uppsjóvarskipið Borgarin kom á Fuglafjørð fyrrapartin, har teir skulu landa.

Teir hava verið á svartkjaftaveiðu í altjóða sjógvi vestanfyri Írland, og hava havt góðan fiskiskap. Teir hava fiskað 2400 tons hendan túrin.

Veiðan verður landað til Havsbrún í Fuglafirði, og tá ið liðugt er at landa, verður farið aftur á svartkjaftaveiðu.

Hjá Havsbrún verður svartkjafturin framleiddur til fiskamjøl og lýsi, og síðani til fóður.