Brúkiligur túrur

- Vit høvdu góðan fiskiskap fyrstu tveir dagarnar, men so bleiv minni. Vit fingu túrin inn, so tað var í lagið. Støddin á upsanum var smáfallandi at byrja við, men so batnaði støddin, segði Anfinn Christiansen, skipari á Safir í vikuni.

- Fiskiskapurin hevur annars verið smáligur í vár og í vetur, við onkrum hendinga brúkiligum degi innímillum. Tað hevur ikki verið góður samanhangandi fiskiskapur eftir upsa í langar tíðir, so tað slítur bæði uppá skip og fólk, sigur hann.

Safir samtrolar við Smaragd og skuldu fara avstað aftur í gjár.

Sjómanstrúboðarin vitjaði umborð og heilsaði uppá mennirnar.  Tíð var eisini til prát, Guds orð og bøn.

Jan Nón Bjartalíð, stýrimaður, og sonurin Jákup Bjartalíð, vóru eisini umborð.