Carlton seldur til Portugal

Línuskipið, sum hevur ligið á Klaksvík seinasta árið, er selt av landinum.

- Eg kann vátta at vit hava selt Carlton til eitt felag í Portugal. Skipið fær heimstað í Belize, og skal fiska við Afrika, sigur Hanus Hansen, reiðari.

Carlton, sum er fyrrverandi Jákup B, bleiv avloystur av einum nýggjari skipið fyri einum góðum ári síðan. Talan var um gamla Klakk, sum eisini varð blivin avloystur av einum nýggjari skipið.

Síðani hevur Carlton bara ligið á Klaksvík, og staði á sølulista, og nú eydnaðist at selja skipið.

Hanus Hansen, reiðari, ynskir ikki at viðmerkja nakran prís, men sum skilst er skipið selt fyri 2,2 milliónir krónur.

Carlton fer av Klaksvík seinni í vikuni.