Christian í Grótinum skal landa til Pelagos

Uppsjóvarskipið Christian í Grótinum skal landa 550 tons av sild til Pelagos í Fuglafirði.

Christian í Grótinum hevur verið á sildaveiðu í altjóða sjógvi, men fiskiskapurin hevur verið heldur smáligur.

Seinastu tíðina hava føroysku sildaskipini roynt í altjóða sjógvi, men fiskiskapurin hevur verið smáligur í eina tíð nú.

Tá ið liðugt er at landa, fer Christian í Grótinum aftur á sildaveiðu í altjóða sjógvi.