Donsk skip landa makrel í Føroyum

Donsku uppsjóvarskipini Ruth og Isafold, sum bæði hava heimstað í Hirtshals, skulu landa makrel í Føroyum.

Skipini hava verið til fiskiskap í ES sjógvi, og fiskiskapurin hevur verið góður.

Ruth skal landa 1900 tons av makreli til Faroe Pelagic. Teir komu inn í nátt, og byrja at landa klokkan átta.

Isafold skal landa 850 tons av makreli til Pelagos í Fuglafirði, og sleppa teir framat í kvøld tá ið Høgaberg er liðugur at landa sína last.