Innanlands

Eydnufarið vann fiskakappingina hjá Draganum

Veðrið var vánaligt tá árliga fiskikappingin hjá Draganum var í gjár

Jakup Eydnugarð og Mikkjal Pauli Lamhauge

Jakup Eydnugarð og Mikkjal Pauli Lamhauge

2021-09-26 21:37 Author image
Sverri Egholm
placeholder

 Árliga fiskikappingin í Norðoyggjum, sum segl- og skúlaskipið Dragin skipar fyri, var í gjár.

Dragin hevur skipað fyri hesar fiskikappingar síðani í nítiárunum.

Dagurin royndist tíanverri sera illa til veður, tí tað regnaði mest sum allan dagin og tráður vindur var av lágætt, og hevði hetta uttan iva ávirkan á fiskaríið.

Úrslitið av kappingini gjørdist hetta:

Nr. 1. Báturin 'Eydnufarið' - 168,32 pund. Manning: Jakup Eydnugarð og Mikkjal Pauli Lamhauge. Vinningurin var tveir gávukekkar á 4.000 kr. (Stuðul: Sp/f Kanjon)

Nr. 2. Báturin 'Sólmay' - 167,48 pund. Manning: Berint Kalsø og Martin Thorbergsson Johannesen. Vinningurin var tveir gávukekkar á 3.000 kr. (Stuðul: Føroya Sjómannadagur)

Nr. 3. Báturin 'Malla' - 159,6 pund. Manning: Hans Edmund Josephsen og Ólavur Gaard. Vinningurin var tveir gávukekkar á 2.000 kr. (Stuðul: KSS - Klaksvíkar Sleipistøð)

Stórsta fiskin fekk Jens Mortan Samson. Fiskurin vigaði 3 kg. Vinningurin var ein gávukekkur á 2.000 kr. (Stuðul: Búrhella)

Eisini var lutakast millum luttakandi bátarnar, har vinnarin fekk ein gávukekk á 2.000 kr. (Stuðul: Johs.Elektro ). Hetta vann báturin 'Benjamin' við Sólarn Isaksen og Benjamin isaksen.

placeholder
placeholder