Fleiri landingar í Fuglafirði

Danska uppsjóvarskipið Asbjørn og føroyska Arctic Voyager hava landað sild, og Norðingur hevur landað svartkjaft.

Asbjørn hevur landað beint undir 1.000 tons av sild, sum skipið  hevur fiskað í altjóða sjógvi. 

Arctic Voyager kom inn við umleið 500 tonsum av sild, sum eisini er fiskað í altjóða sjógvi. Bæði skipini hava landað veiðuna til Pelagos.

Hjá Havsbrún hevur Norðingur landað umleið 1.900 tons av svartkjafti, sum skipið hevur fiskað í føroyskum sjógvi.