Nýggi Vermland á Hvalvík á fyrsta sinni

Í dag kom nýggi Vermland hjá Sp/f Vermland á kaiina í Hvalvík. Gamli Vermland hevði heimstað í Danmark, men eigararnir hava hesaferð valt, at nýggja skipið skal hava heimstað í Streymnesi, skrivar Sunda kommuna á heimasíðuni.

Í sambandi við at nýggi Vermland fyri fyrstu ferð vitjaði á kaiini í Hvalvík, vóru borgarstjórin og formaðurin í vinnu- og umhvørvisnevndini umborð og heilsaðu uppá manningina og eigararnar við einari heilsan. 

Sjómanstrúboðarin vitjaði eisini umborð og fekk høvið at halda eina andakt og bað signing yvir skip og manning.