Agnar Prestá
Í dag hava MEST og MOWI undirskrivað avtalu um bygging av eini tvíkilju, sum er 24 metrar long og 12 metrar breið.
Hetta er ikki eiti á, tí talan verður um higartil størstu tvíkilju í Føroyum.
MEST skrivar eisini, at hon er eitt greitt tekin um tørvin á størri deksplássi, størri útgerð og umstøðum umborð.
- Umborð á tvíkiljuni eru tvey 1 manskømur, umframt galla og uppihaldsrúm. Tvíkiljan er serliga sniðgivin til nýtslu sum vinnufar í alivinnuni í Føroyum og líkur krøvini hjá Sjóvinnustýrinum. Fyri at nøkta krøvini til at lyfta og handfara størru útgerðina, sum alibrúkini brúka, er tvíkiljan millum annað útgjørd við tveimum stórum kranum
Tvíkiljan skal hava stórar bóg- og síðuskrúvur, og verður latin við DP-skipan.
- MEST fylgir væl við menningini í alivinnuni og leggur seg eftir at veita framkomnar tvíkiljur í eini høgari góðsku til kappingarførar prísir, sigur Mouritz Mohr, stjóri á MEST.
Tvíkiljan verður latin í apríl 2027.
Vinarliga broyt tínar kennifíla - og privatlívsstillingar fyri at síggja hetta innihald