Garnaskipini eru fyri mismuni

Hóast garnaskipini eru tey av skipunum, sum fiska á landleiðini, sum eru ringast fyri fíggjarliga, og hava verið tað leini, so er teimum álagt, eins og tey ríkastu reiðaríini, at rinda veiðigjald fyri makrelkvoturnar.

Hetta heldur Felagið Garnaskip ikki vera rímuligt, og vísir á, at talan má vera um eitt mistak í lóggávuni.

Hans Andrias Kelduberg, formaður í Felagnum Garnaskip, heitir nú á politisku skipanina um at broyta hesa skipan, so garnaskipini verða viðfarin á jøvnum føti við hinar samsvarandi skipabólkarnar á landleiðini.

Garnaskipini fegnaðust annars um, tá landsstýrið fyrr í ár valdi at deila smáar kvotur út til heimaflotan, men fingu sum vátan vøttin, tá rokningarnar frá Vørn fyri fyri veiðigjøld upp á makrel.

Les alt skrivið frá Felagnum Garnaskip her 

Hans Andrias Kelduberg, formaður í Felagnum Garnaskip (Savnsmynd: Jens Kr. Vang)