Gera eina roynd at fáa Skoraberg leysan

Í løtuni verður roynt at fáa partrolaran Skoraberg leysan av landi. Tað verður bjargingarbáturin Ziska sum ger fyrstu royndina, og riggar tað ikki, setur Brimil fast á.

Tað fløðir eina løtu afturat, og tað er fínasta veður. Tí eru líkindini góð.

Ætlanin er ikki at taka oljuna úr skipinum fyrst, tí tað fer at taka einar 12 tímar.

Kavarar hava verið niðri og hugt eftir botninum, og at síggja til er hol ikki komið á.

Eydnast tað hvørki hjá Ziska ella Brimli at fáa Skoraberg leysan má annað skip til.

Tað var klokkan hálvgun fýra í nátt, at Vørn fekk fráboðan um, at Skoraberg hevði rent á land nakað sunnanfyri Syðradal á Kalsoynni. Skipið liggur umleið 30 stig.