Góð 2400 tons av svartkjafti landað til Havsbrún

Uppsjóvarskipið Christian í Grótinum hevur júst landað umleið 700 tons av svartkjafti, og Arctic Voyager skal landa umleið 1700 tons.

Fiskiskapurin eftir svartkjafti er nú so smáligur, at bæði skipini gevast við fiskiskapinum fyri summarið.

Christian í Grótinum fer nú í dokk á Skála, og síðan fara bæði skipini á makrelveiðu í august.

Nú eru bert nøkur heilt fá føroysk skip eftir, sum fiska svartkjaft í føroyskum sjógvi.

Svartkjafturin verður framleiddur til mjøl og lýsi hjá Havsbrún, og síðan til fóður.