Gongur væl hjá Volunteer

Á middegi kom línubáturin Volunteer á Toftir at landa. Teir høvdu roynt norðanfyri í fimm dagar og hava umleið 30 tons. Meginparturin er longa og so er nakað av brosmu og toski.

Í síðstu viku landaði Volunteer eisini á Toftum. Tá høvdu teir knapt 30 tons, har tveir triðingar vóru longa og ein triðingur brosma og annað. Tá høvdu teir eisini roynt í fimm dagar, men eystanfyri.

- Jú fiskiskapurin hevur verið góður, men eg hugsi teir flestu bátarnir fáa fisk, sigur Jón Rubeksen, skipari, lítillátin.

Teimum og sjófólkunum annars verður ynskt Guds signing og varðveitslu.