Kiran Jóanesarson
Tað er eitt felag, har Royal Greenland eigur størsta partin, sum hevur selt Tasiliaq úr Grønlandi.
Tasiliaq, sum ikki er ein ókendur gestur í Føroyum, er mannað við føroyingum og grønlendarum. Seinastu tíðina hevur skipið fiskað svartkjaft í Føroyskum sjógvi.
Sum skilst, so skal skipið nú brúkast til at fiska eitt nú rossamakrel við Maruritania.
Tasiliaq hevur staði á sølulista í eitt longri tíðarskeið eins og Tuneq, sum grønlendingar eisini eiga, og sum eisini liggur meginpartin av árinum í Føroyum.
Hetta skipið skal tó til Grønlands ein av komandi døgunum, har teir skulu fiska makrel.
Tasiliaq plagdi eisini at fiska makrel í grønlendskum sjógvi hesa árstíðina, men soleiðis verður ikki í ár.
Tasiliaq liggur í løtuni á Runavík, har nýggju eigararnir hava yvirtikið skipið, sum nú hevur fingið navnið Ernir.
Tað hevur ljóðað at gomlu eigararnir, sum nú hava selt skipið til Afrika, hava áhugað í at keypa Christian í Grótinum, sum stendur á sølulista.
Systurskipið hjá Christian í Grótinum er longu heimahoyrandi í Grønlandi, og hevur navnið Polar Amaroq.
Vinarliga broyt tínar kennifíla - og privatlívsstillingar fyri at síggja hetta innihald