Havhestabátar sleipaðir til lands

Nú havhestatíð er, eru ikki allir bátar sum klára at sigla heim aftur. MRCC hevur seinastu dagarnar skrásett trý sleip av sonevndum "havhestabátum".

Mikumorgunin var ein smábátur, sum fekk maskintrupulleikar út fyri Oyndarfjørð. Eat Rescue sleipaði bátin til Leirvíkar.

Fyrrapartin í gjár vóru tveir bátar, sum fingu trupulleikar. Ein bátur eisini í Oyndarfirði varð sleipaður av East Rescue til Leirvíkar, og ein annar var staddur átta fjórðingar eystur úr Eystnesi. Ein bátur hjá Tjaldrinum sleipaði bátin til Havnar.