Innanlands

Hildu jólaaftan á Karmoynni

Tað er hugnaligt á sín hátt at halda jól á sjónum, hóast øll ynskja at vera heima hjá familjuni á jólum, sigur Jógvan Sundskarð, skipari

Jógvan Sundskarð uttast til vinstru (Mynd: Føroyska Sjómansmissiónin)

Jógvan Sundskarð uttast til vinstru (Mynd: Føroyska Sjómansmissiónin)

2020-12-25 16:38 Author image
Føroyska Sjómansmissiónin
placeholder

- Vit komu úr Myre og hava sigldu suður til Tróndheim, har vit 22. desesember lossaðu dulamit, sum er gamalt jarn, ið skal til Frederiksstad. Vit høvdu góða tíð, so á leiðini suður hildu vit jólaaftan við bryggju á Karmoynni. Jóladag liggur leiðin til Frederiksstad, har vit skulu lossa 28. desember, sigur Jógvan Sundskarð, skipari, á handilsskipinum Hav Streym.

- Frá Frederiksstad skulu vit aftur til Karmoynna at lasta, og so norður aftur til Myre. Sostatt fara vit óivað at halda nýggjársaftan ávegis til Myre, sigur skiparin.

[object Object](Mynd: Føroyska Sjómansmissiónin)

- Fyrstu jólini, eg helt á sjónum, var í 1967. Tá var eg við Skálaberg, og vit hildu jólini inni í Føroyingahavnini. Síðani havi eg hildið mong jól á sjónum, og tað í mongum ymiskum londum. Tað er hugnaligt á sín hátt, hóast øll ynskja at vera heima hjá familjuni á jólum, sigur hann.

- Jólapakkarnir frá sjómanskvinnuringunum lógu tryggir innilæstir í bonnskápinum, saman við sodavatninum. Vit takka fyri jólapakkarnar, sum bæði fløva og stimbra sjófólkið. sigur Jógvan Sundskarð.

 

placeholder
placeholder