Høgaberg komin til Skagen

88 metrar langi stásiligi skrokkurin hjá nýggja Høgabergi kom í dag til Skagen, har skipið næstu mánaðirnar skal gerast liðugt.

Skrokkurin er smíðaður hjá Karstensens skipasmiðjuni í Gdansk, og skal nú gerast liðugur á donsku skipasmiðjuni hjá Karstensens í Skagen.

Nýggi Høgaberg verður systurskip hjá nýggja Finnur Fríða, tó fer nýggi Høgaberg at lasta eitt vet meira.

Eftir ætlan skuldi skipið latast Framherja í summar, men arbeiðið er nakað seinkað, og væntað verður at Høgaberg verður latin í oktober novembermánað.