Høgaberg landar í Fuglafirði

Uppsjóvarskipið Høgaberg kom tíðliga í morgun á Fuglafjørð, har teir skulu landa.

Teir hava verið á svartkjaftaveiðu í altjóða sjógvi vestanfyri Írland, og hava  umleið 1950 tons av svartkjafti, sum teir skulu landa til Havsbrún í Fuglafirði.

Teir hava havt hampiligan fiskiskap, og tá ið liðugt er at landa, verður farið aftur á svartkjaftaveiðu.

Hjá Havsbrún verður svartkjafturin framleiddur til fiskamjøl og lýsi, og síðani til fóður.